گورنمنٹ بوائز ہائر سیکنڈری اسکول ناگ اٹی ٹیچر ڈے نا دود
Get real time updates directly on you device, subscribe now.
ناگ، تحصیل ناگ اٹی گورنمنٹ بوائز ہائر سیکنڈری اسکول اٹی تدوک آ دے استاد آتا جہانی دے آ اسہ شانی‘ پروقار دود اڈ اڈ تننگا‘ دود اٹ گورنمنٹ بوائز ہائر سیکنڈری اسکول ناگ و گورنمنٹ بوائز اسکول مسکان آباد نا طالب علم و استاد آک بشخ ہلکر۔ دود انا نظامت نا زمواری تے گورنمنٹ بوائز ہائر سیکنڈری اسکول نا سینئر ایس ایس ٹی ٹیچر عبدالسلام ساسولی سر تس، او دودا نا پروگرام آتے زیبائی وڑ اٹ ترتیب تس و طالب علم آتا است بڈی ءِ کرے۔ دود اٹ ہڑتوم آ اسکول آتا طالب علم آک استاد دے انا رد اٹ تینا استاد آتے خراجِ تحسین پیش کریر۔ طالب علم آک استاد آتا عظمت، اوفتا خواری‘ خذمت و راج اناجوڑ کننگ و شونداری ٹی اوفتا اہم کڑد آ تران کریر۔ داکان بیدس طالب علم آک نظم و ملی نغمہ ہم پیش کریر ہرافتا شریدار آک ستاءِ کریر۔ (نامہ نگار)