ڈپٹی کمشنر ہرنائی میر ارشد حسین جمالی نا استاد ڈے آ کلہو

کوئٹہ، ڈپٹی کمشنر ہرنائی میر ارشد حسین جمالی استاد آتا جہانی دے آ تینا خصوصی کلہو اٹ استاد آتے خراجِ تحسین پیش کرسا پارینے کہ استاد راج انا ہمو جوڑ کروک ءِ ہرا علم، ہیلکاری کڑدار سازی نا کمک اٹ پوسکن آ نسل نا راہشونی کیک و قوم تا روشنا آخبت نا بنداو ءِ تخک۔ او پارے کہ اینو او ہرا ہند آ خذمت سر انجام تننگ اٹی ءِ اوٹیاونا استاد آتا تعلیم، ہیلکاری‘ راہشونی و خواری نا بنداوی کڑد ءِ‘ او پارے کہ او تینٹ ہم استاد اس مسنے‘ دا سوب آن او دا مقدس کسب نا زمواری، مشکل و اہمیت جوان معلومدار ءِ‘۔ میر ارشد حسین جمالی پارے کہ استاد بیرہ کتابی علم تفک بلکہ طالب علم آتا شخصیت سازی، اخلاقی ہیلکاری و شعور و مثبت تفکر ءِ ودفنگ اٹی ہم اہم کڑد ادا کیک۔