استاد آتا خواری وراہشونی آخبت نا بنداو ءِ‘ میر ظہور بلیدی

کوئٹہ، میر ظہور بلیدی نا جہانی ٹیچر ڈے آ استاد آتے خراجِ تحسین، میر ظہور بلیدی استاد آتا جہانی دے آ مچ آ ملک خاص وڑ اٹ بلوچستان نا استاد آتے خراجِ تحسین پیش کرسا پارینے کہ استاد آک قوم انا آخبت نا جوڑ کروک ءُ، اوفتا خواری و راہشونی روشنا آخبت نا بنداو ہے۔ میر ظہور بلیدی پارے کہ تعلیم شونداری نا بنداوی شڑت و راج انا شونہالی نا اہم وسیلہ ءِ‘ بلوچستان نا مدامگی شونداری کن آب اٹنگا تعلیم نا شون تننگ المی ءِ‘ و ہر چنا اسکان تعلیم نا رسینگ ءِ پک کننگ ننا اولیکو اولیت بایدے مرے‘ او پارے کہ استاد بیرہ علم گدریفپک بلکہ طالب علم آتا کڑد ءِ ہم جوڑ کرسا اوفتے اسہ زموار ءُ شاری اس جوڑ کننگ اٹی ہم بنداوی کڑد ادا کیک۔ استاد آتے المی آسراتی و گچین تعلیمی چاگڑد نا فراوانی وخت انا اہم گرج ءِ۔