چار مسودہ غاامنائی آن پد ہم مذاکرات بے سہب مس‘ شیری رحمان

اسلام آباد، پیپلز پارٹی نا نائب صدر سینیٹر شیری رحمان حکومت و پاکستان تحریکِ انصاف نا نیام اٹی تدوک آ نن مروک آ مذاکرات نا رد اٹ اہم ٹک آتے بیان کرسا پارینے کہ چار جتا جتا مسودہ غا کل فریق آتا نیام اٹی امنائی مسوسس ولے پی ٹی آئی نا کنڈ آن پدریسہ ردوبدل نا سوب آن مذاکرات نن اسکان برجا سلیس و اخیر اٹ سرسہب مننگ کتو‘ شیری رحمان تینا کلہو اٹی پارے کہ مذاکرات نا بے سہبی نا اسہ بھلو سوب اس خیبرپختونخوا حکومت نا کنڈ آن بنجا تون دہشت گردی تور کمکاری تون تعلقدار پک مروک مسودہ غا دستخط آن نمنی ئس‘ او پارے کہ مذاکرات اٹ کیہی وار پاننگا کہ خیبرپختونخوا حکومت و تحریک انصاف نا سینئر بنجائی سرکڑدہ غاک دراست مذاکرات اٹ اوار مریر ولے وزیراعلیٰ خیبرپختونخوا یا صوبائی کابینہ نا کنڈ آن ہچ ءُ نائب اس مذاکرات اٹی بشخ ہلتو‘ سینیٹر شیری رحمان پارے کہ اگہ خیبرپختونخوا حکومت تون قابلِ عمل مسودہ اس ئس تو اودے مذاکرات نا میز آ اتسا تینٹ پیش کروئی ئس تے۔