کمشنر مکران ڈاکٹر طفیل بلوچ نا یونیورسٹی آف گوادر نا دورہ

گوادر، کمشنر مکران ڈویژن ڈاکٹر طفیل بلوچ ڈپٹی کمشنر گوادر نقیب اللہ کاکڑ تون اوار یونیورسٹی آف گوادر نا پاک چائنا ٹیکنیکل اینڈ ووکیشنل انسٹی ٹیوٹ نا دورہ ءِ کرے، ہراڑے او وائس چانسلر پروفیسر ڈاکٹر عبدالرزاق صابر و پرو وائس چانسلر پروفیسر ڈاکٹر سید منظور احمد تون اوڑدہی کرے‘ پرو وائس چانسلر کمشنر مکران ءِ یونیورسٹی و پاک چائنا ٹیکنیکل اینڈ ووکیشنل انسٹی ٹیوٹ نا تعلیمی، انتظامی، مالی و شونداری‘ برجا ڈٹ، طالب علم آتے فراوان کروک آسراتی و آخبت نا ڈٹ آتیا جم بریفنگ تس۔ داوخت آ یونیورسٹی ءِ مون تروک مالی و انتظامی باندات‘ وسیلہ غاتا دوئی مننگ‘ ادارہ ئی کارکڑد و انتظامی باندات آتے ٹی گچینی اتنگ کن گام گیج آتیا ہم گپ وتران مس‘ کمشنر مکران ڈاکٹر طفیل بلوچ گوادر اٹی بڑزکو تعلیم‘ فنی و کسبی ہیلکاری‘ ورناتیکن آب اٹنگا تعلیمی وارخواہی تا یونیورسٹی آف گوادر نا کڑد اناستاءِ کرسا ضلعی انتظامیہ نا کنڈ آن وس انا کچ آ کمک کننگ نا باوری کرفے۔