بلوچستان صوبائی اسمبلی نا قائمہ کمیٹی محکمہ فشریز نا گوادر اٹی سلابتی دیوان

گوادر، بلوچستان صوبائی اسمبلی نا قائمہ کمیٹی محکمہ فشریز نا کنڈآن سلاہی بلوچستان فشریز اینڈ ایکوا کلچر بل 2026 و محکمہ فشریز اٹی اصلاحات نا بابت اسہ سلابتی دیوان اس گوادر اٹی اڈ ہلک‘ دیوان نا کماشی ٹی قائمہ کمیٹی نا چیئرمین و صوبائی اسمبلی نا باسک مولانا ہدایت الرحمن بلوچ کرے‘ دیوان اٹی قائمہ کمیٹی نا باسک صوبائی وزیر ڈٹ بندی و شونداری میر ظہور احمد بلیدی، صوبائی اسمبلی نا باسک عبدالمجید بادینی و صوبائی اسمبلی نا باسک ظفر آغا، صوبائی سیکرٹری فشریز طارق قمر، ایڈیشنل سیکرٹری کانود‘ سیکرٹری بلوچستان اسمبلی بشخ ہلک۔ داکان بیدس چیئرمین گوادر پورٹ اتھارٹی نورالحق بلوچ، ڈائریکٹر جنرل گوادر ڈیولپمنٹ اتھارٹی معین الرحمن خان، ڈائریکٹر جنرل فشریز بلوچستان عتیق اللہ خان، ڈائریکٹر فشریز احمد ندیم تون اوار محکمہ فشریز نا کمامدار، ماہی گیر، سیاسی و راجی شخصیت، چاہندر و ایلو تعلقدار اسٹیک ہولڈر آک بشخ ہلکر۔ دیوان اٹی فشریز نا بشخ ءِ پوسکن آ خواست آتتون ہمگرنچ کننگ، ماہی گیر تا حق آتا رکھ، سمندری حیات نا رکھ، ایکوا کلچر نا شون تننگ و بھرمی کانودی و انتظامی نظام کن سلاہی کانود نا جتا جتا پہلو تیا جم سجفنگا۔