گوادر ڈویلپمنٹ اتھارٹی نا بابت دیوان ناکماشی ءِ صوبائی وزیر میر ظہور احمد بلیدی کرے

گوادر، صوبائی وزیر ڈٹ بندی و شونداری میر ظہور احمد بلیدی گوادر نا دورہ نا وخت آ گوادر ڈیولپمنٹ اتھارٹی تون تعلقدار اسہ بڑزکو کہولی دیوان اسے نا کماشی ءِ کرے، ہراٹی برجا و پورو مروک شونداری ڈٹ، شار اٹی دیر انا فراوانی نا حالیت، آخبت نا شونداری ڈٹ آتیکن درکار فنڈ، انتظامی باندات‘ جی ڈی اے اسکول نا کارکڑدو گچینی نا جم جاچ ءِ ہلنگا۔ دیوان اٹی صوبائی اسمبلی نا باسک مولانا ہدایت الرحمن، سید ظفر علی آغا، انجینئر عبدالمجید بادینی، ڈائریکٹر جنرل جی ڈی اے معین الرحمن خان، چیف انجینئر جی ڈی اے حاجی سید محمد و ایلو تعلقدار افسر آک بشخ ہلکر دیوان اٹ ڈائریکٹر جنرل جی ڈی اے معین الرحمن خان صوبائی وزیر ءِ ادارہ نا شونداری ڈٹ، خصوصاً اولڈ ٹاؤن بحالی ڈٹ انا رد اٹ برجا و پورو مروک کاریم، دیر انا فراوانی نا نظام اٹی گچینی‘ میونسپل خذمت آک و ادارہ نا جم کارکڑد تون تعلقدار جم بریفنگ تس۔