بی ٹیوٹا و پاک سوزوکی موٹر کمپنی نا نیام اٹی تکنیکی کمکاری نا معاہدہ
Get real time updates directly on you device, subscribe now.
حب، بلوچستان اٹی ٹیکنیکل تعلیم و ورناتے پوسکنوڑ ہنر فراوان کننگ نا کنڈ آ اسہ اہم ءُ پیشرفت اس مون آ بسنے، ہراڑے بلوچستان ٹیکنیکل ایجوکیشن اینڈ ووکیشنل ٹریننگ اتھارٹی (بی ٹیوٹا) و پاک سوزوکی موٹر کمپنی نا نیام اٹی تکنیکی کمکاری نا اسہ معاہدہ اس پک مسنے‘ دا معاہدہ نا بنداوی مسخت صوبہ نا ورناتے آٹو مینوفیکچرنگ و آٹو میکینک نا پوسکنوڑ ہیلکاری فراوان کننگ ءِ‘ دا معاہدہ غا ایم ڈی بی ٹیوٹا عبدالکبیر خان زرکون و پاک سوزوکی کمپنی نا ڈپٹی ایم ڈی (Yoshitaka Oishi) دستخط کریر دود انا خاص انگا مہمان سیکرٹری لیبر اینڈ مین پاور صالح محمد ناصر ئس، وخت اس کہ دا وخت آ بی ٹیوٹا نا ڈائریکٹرز، اسسٹنٹ ڈائریکٹرز و پاک سوزوکی کمپنی نا بڑزکو کمامدار آک بھی بھلو کچ اسے ٹی ساڑی ئسر۔