ٹرین نا سفر اٹ الس نا آسراتی کن گام گیج کننگے، وزیراعظم محمد شہباز شریف
Get real time updates directly on you device, subscribe now.
اسلام آباد، زیراعظم محمد شہباز شریف پارت کرینے کہ ٹرین نا سفر اٹ الس نا آسراتی و رکھ ءِ پک کننگ و ریلوائی ٹریک آتا وخت آ جوڑ جاڑ و خیالداری ءِ پک کننگ کن عملی گام گیج کننگے۔ پی ایم آفس نا میڈیا ونگ انا رداٹ وزیراعظم دا ہیت ءِ بنجائی وزیر ریلوائی محمد حنیف عباسی تون اوڑدہی نا وخت آ پارے۔ محمد حنیف عباسی وزیراعظم ءِ وزارت ریلوائی نا بابت امور و برجاشونداری ڈٹ آتا بارواٹ حوال تس۔ وزیراعظم پارت کرے کہ ٹرین نا سفر اٹ الس نا آسراتی ورکھ ءِ پک کننگ کن پین گچین گام گیج آتے پک کننگے و ریلوائی ٹریک آتا وخت آ جوڑجاڑ و خیالداری ءِ پک جوڑ کننگ کن عملی گام گیج کننگے۔ او پارے کہ ریلوائی فریٹ سروس ءِ پین فعال کننگ المی ءِ۔ اوڑدہی ٹی ایلو تین پہ تینی است خواہی نا امور تیاہم گپ وتران کننگا۔