جوڑجاڑ ناکاریم تے ہلہلہ ئی بنداو آ پورو کننگے‘ اے سی پسنی
Get real time updates directly on you device, subscribe now.
پسنی، اسسٹنٹ کمشنر پسنی خسرو دلاوری پسنی شار ءِ دیر انا فراوانی کن جوڑ مین واٹر سپلائی پائپ لائن اٹی لیکیج نا جوڑ کننگ نا برجا کاریم تا ہند انا دورہ ءِ کرے‘ دا وخت آ ایس ڈی او پبلک ہیلتھ انجینئرنگ (PHE) نواز اسسٹنٹ کمشنر پسنی ءِ برجا جوڑجاڑ نا کاریم‘ پیشرفت و پائپ لائن نا بحالی تون تعلقدار جم بریفنگ تس‘ اسسٹنٹ کمشنر پسنی تعلقدار کمامدار و کارندہ غاتے پارت کرے کہ مین واٹر سپلائی پائپ لائن نا لیکیج نا جوڑجاڑ نا کاریم ءِ ہلہلہ ئی بنداو آ زوت آن زوت پورو کننگے، تاکہ پسنی شار اٹی دیر انا فراوانی نا ریسہ بیدس ہُرے آن برجا سلنگ کے و شاری تے ہچ وڑ انا مشکل مون تروئی تپ۔ او جوڑجاڑ نا کاریم اٹ آب و پک تکنیکی گرج آتیا چکار کننگ نا ہم پارت کرے۔