سینیٹر محمد اسحاق ڈار وطن آ پدی سرمس
Get real time updates directly on you device, subscribe now.
اسلام آباد، نائب وزیراعظم و وزیر خارجہ سینیٹر محمد اسحاق ڈار اقوام متحدہ نا جنرل اسمبلی نا 81 می دیوان اٹ بشخ ہلنگ آن پد پی آئی اے نا جہاز اٹ اسلام آباد آ پدی سرمس۔ دفتر خارجہ نا ترجمان نا کنڈآن جاری بیان نا رداٹ، دورہ نا وخت آ نائب وزیراعظم و وزیر خارجہ وزیراعظم تون اوار بڑزکو کہول انا دیوان و اوڑدہی تیٹی بشخ ہلک۔ او جتا جتا ملک آتا تینا ہم منصب آتون ہم اوڑدہی کرے۔ او اقوام متحدہ و او آئی سی نا دیوان تیٹی بشخ ہلک و ای سی او وزراء کونسل نا 27 می غیر رسمی دیوان نا کماشی ءِ کرے۔ نائب وزیراعظم مصنوعی ذہانت و دینی مرض آتا تیاری نا بابت بڑزکو کہول انا دیوان تیا ن ہم تران کرے۔ نائب وزیراعظم و وزیر خارجہ فلسطین و جموں و کشمیر نا بابت پاکستان نا اصولی موقف نا درشانی ءِ کرے۔ او علاقائی امن و سوگوی نا مون آ دننگ کن مذاکرات و سفارت کاری ءِ برقرار تخنگ نا اہمیت آ ہم زور شاغا۔