امریکہ نا بڑزکو کہولی ڈل انا جی ایچ کیو ٹی آرمی چیف و چیف آف ڈیفنس فورسز فیلڈ مارشل سید عاصم منیر تون اوڑدہی
اوڑدہی ٹی اوغانستان اٹی چک وتاڑ ناوخت آ پاکستان نا کڑد، کمکاری و ڈیہہ اٹی امن و سوگوی کن اونا کوشست آتیا گپ و تران
Get real time updates directly on you device, subscribe now.
راولپنڈی، امریکہ نا بڑزکو کہولی ڈل جنرل ہیڈ کوارٹرز راولپنڈی نا دورہ ءِ کرے، ہراڑے ڈل آرمی چیف و چیف آف ڈیفنس فورسز فیلڈ مارشل سید عاصم منیر تون اوڑدہی کرے۔ آئی ایس پی آر نا رِد اٹ امریکی ڈل امریکہ، اوغانستان وار کمیشن نا شریک چیئرز شمائلہ چوہدری و ڈاکٹر کولن ایف جیکسن آ تالان ئس۔ اوڑدہی نا وخت آ تین پہ تینی استخواہی تا باندات‘ علاقائی سیکورٹی نا حالیت و اوغانستان اٹی مروک داسہ نا پیشرفت آ جم گپ وتران مس۔ آئی ایس پی آر نا رِد اٹ امریکی ڈل اوغانستان اٹی 20 سال انا جنگ اٹ امریکی اواری نا جاچ ءِ ہلنگ اٹی ءِ‘ دا رد اٹ اوڑدہی ٹی اوغانستان اٹی چک وتاڑ ناوخت آ پاکستان نا کڑد، کمکاری و ڈیہہ اٹی امن و سوگوی کن اونا کوشست آتیا ہم گپ و تران کننگا۔ فیلڈ مارشل سید عاصم منیر امریکی ڈل ءِ اوغانستان اٹی بھلا چک وتاڑ ناوخت آ پاکستان ءِ مون تروک سیکورٹی و ایلو چیلنج آتیان معلومدار کرے۔ او اوغانستان نا چک وتاڑ نا اسٹریٹجک، سفارتی و آپریشنل جاچ اٹی علاقائی پہلو تے ہم اوار کننگ نا گرج آ زور شاغا۔ آئی ایس پی آر نا رِد اٹ آرمی چیف اوغانستان نا ساڑی سیکورٹی حالیت آتا بابت پاکستان نا موقف ءِ ہم امریکی ڈل نا مون آ تخا،خت اس کہ اوڑدہی ٹی اوغانستان و ڈیہہ انا سیکورٹی تون تعلقدار پاکستان نا آزموندہ و سلاہ تیا ہم گپ وتران مس۔ امریکی ڈل اوغانستان نا چک وتاڑ نا وخت آ پاکستان نا متکن آ کڑد و قربانی تے امنا کرسا علاقائی امن و سوگوی کن پاکستان نا پدریسہ کوشست آتاستاءِ کرے۔