بلوچستان اٹ بک آتا ناجوڑ آتیکن 28 ڈائلائسز ہند جوڑ کننگانے‘ بخت محمد کاکڑ
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی نا وژن نا رِد اٹ بلوچستان نا مر انگا علاقہ غاتیٹی بک انا ناجوڑ آتے درمان و طبی آسراتی تا فراوانی کن محکمہ جانجوڑی بلوچستان صوبہ ٹی 28 ڈائلائسز ہند جوڑ کرینے، وخت اس کہ ایلو سلوک ضلع غاتے ٹی ہم دا سال انا اخیر اسکان پین ڈائلائسز ہند جوڑ وفعال کننگک۔ صوبائی وزیر جانجوڑی بخت محمد کاکڑ پارے کہ صوبہ ناکیہی ضلع غاتے ٹی ڈائلائسز ہند جوڑ کننگ نا مسخت بک آتا ناجوڑ آتے اوفتا تینا علاقہ غاتیٹی درمان نا آسراتی فراوان کننگ و اوفتے ڈائلائسز کن مر انگا شار تا سفر نا خواری آن نجات تننگ ءِ‘دا رد اٹ ضلع زیارت اٹی بک آتا ناجوڑی نا ہند ءِ فعال کننگانے۔