وزیراعلیٰ سرفراز بگٹی نا وژن آ عمل، عالمو چوک اٹی تجاوزات تا برخلاف بھرمی کارروائی
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز احمد بگٹی نا وژن نا رِد اٹ ڈپٹی کمشنر کوئٹہ مہراللہ بادینی و ایڈمنسٹریٹر میٹروپولیٹن کارپوریشن کوئٹہ بشیر احمد بڑیچ نا خاص انگا پارت آ میٹروپولیٹن کارپوریشن و ضلعی انتظامیہ عالمو چوک اٹی تجاوزات نا برخلاف کارروائی کرے۔ کارروائی اسسٹنٹ کمشنر صدر محمد یوسف ہاشمی و میونسپل مجسٹریٹ میٹروپولیٹن کارپوریشن کوئٹہ عمران زیب کاسی نا چاروکی اٹی عمل اٹی اتنگا۔ دا نیام اٹی کسر، راستے و گزرگاہ آتیا قائم تجاوزات آتے ہرفسا السی آمد و رفت نا کسر آتے واگزار کرفنگا۔ انتظامیہ تجاوزات قائم کروک آتے پارت کرے کہ سرکاری و السی کسر آتیا کسی وڑ نا اڑاند یا غیر قانونی کوزہ برداشت کننگپو۔ شاری تا آمد و رفت اٹی اڑاند بنوک آ تجاوزات تا برخلاف کارروائیک بلاامتیاز برجا سلورو۔