بیلاروس انا تاریخی یات و میرات آتے رکھنگ نا کوشست آک ستاکڑزرہ،سید یوسف رضاگیلانی

اسلام آباد، چیئرمین سینیٹ سید یوسف رضا گیلانی بیلاروس نا سرکاری دورہ نا وخت آ پارلیمانی ڈل انا کماشی ءِ کرسا منسک سائنٹیفک اینڈ پریکٹیکل سینٹر فار سرجری، ٹرانسپلانٹولوجی اینڈ ہیماٹولوجی و دودوربیدہ ئی میرات، بیلاروسی اسٹیٹ میوزیم آف ہسٹری آف گریٹ پیٹریاٹک وار نا دورہ ءِ کرے۔ سینیٹ سیکرٹریٹ نا رداٹ، طبی ہند انا دورہ نا وخت آ، کونسل آف دی ریپبلک نا چیئرپرسن نتالیہ کوچانووا، چیئرمین سینیٹ و پاکستانی ڈل ءِ عزوہ غاتا پیوند کاری، روبوٹ نا کمک اٹ سرجری، اے آئی آ تالان تشخیص و CAR-T تھراپی ٹی بیلاروس نا پوسکن لائخی تا بابت حوال تننگا۔ ڈل ہند انا ہائبرڈ آپریٹنگ کمپلیکس اٹ مربوط سی ٹی و انجیوگرافک ٹیکنالوجی تیان شپ لائیو وڑوڈول نا مشاہدہ ءِ ہم کرے۔ چیئرمین سینیٹ خصوصی جان جو ڑی نا چیٹ اٹی بیلاروس نا پیش رفت نا ستاءِ کرے و مون آ بروک طبی ٹیکنالوجی تیٹی ادارہ جاتی رابطہ، کسبی و علمی، مہارت نا ہل و تس و کمکاری نا گمان تیا زور شاغا۔ بیلاروسی ریاستی میوزیم آف دی ہسٹری آف دی گریٹ پیٹریاٹک وار اٹ پارلیمانی ڈل جنگ انا بے پناہ انسانی نہاد، بیلاروسی الس نا مزاحمت و بیلاروس نا آجوئی نا وخت آ اوفتا قربانی تا دستاویزی نمائش اسے ہم ہرا۔ چیئرمین سینیٹ بیلاروس نا الس نا ہمت و لچک ءِ خراج تحسین پیش کرے و بیلاروس نا تاریخی یات و میرات آتے رکھنگ نا کوشست آتا ستاءِ کرے۔ چیئرمین سینیٹ سید یوسف رضا گیلانی دا ہیت آ زور شاغا کہ پارلیمانی رابطہ، الس نا الس تون رابطہ، علم انا ہل وتس و پوسکن آبشخ آتیٹی کمک پاکستان و بیلاروس نا تعلقداری تے پین ودفنگ و گہرا کننگ کیک، ہراڑآن ہڑتوم آ ملک آتا نیام اٹ متکن آسنگتی ءِ پین سوگو و تین پہ تینی مفاہمت اٹ بدل کننگ اٹ کمک رسینگک۔