پاکستان مدام تینا وتواجہی و دفاع کن وڈ و تیار رہینگک، میر ضیاء اللہ لانگو

کوئٹہ، صوبائی وزیر داخلہ میر ضیاء اللہ لانگو پارینے کہ الحمدللہ پاکستان اسہ اسلامی ملک اس ہے و اسلام نا دولت آن مالامال ملک اس ہے، پاکستان مدام تینا وتواجہی و دفاع کن وڈ و تیار رہینگک، افغانستان غلط فہمی آن پیش تمسا حقیقی حقائق آ برے، جنگ، ایلو ملک تا مفاد و ہندوستان نا پیسہ تا جاگہ غا اسہ گچین آ سیال اسے نا وڑ اٹ پاکستان تون سلپ۔ تینا جاری کروک آ بیان اٹی او پارے کہ افغانستان ننا ایلمی سیال ملک اس ہے، افغانستان اسہ غلط فہمی اسے ٹی ہے کہ او سوویت یونین ءِ شکست تس، او سوویت یونین بھی بیرہ افغانستان نا یک تنہا شکست نا سوب کتو، اٹی کیہی واکدار آک اوار ئسر۔ میر ضیاء اللہ لانگو پارے کہ ہندا وڑ امریکہ بھی شکست نا سوب آن اف بلکہ افغان طالبان تون باہمی رضامندی اٹ افغانستان ءِ یل کرسا ہنانے۔