کوئٹہ پولیس اٹی 349 ورناتا بھرتی نا عمل پورو مس

کوئٹہ، ایڈیشنل آئی جی پی و کمانڈنٹ بلوچستان کانسٹیبلری اشفاق احمد نا کماشی ٹی جوڑ ریکروٹمنٹ کمیٹی و ڈپٹی کمانڈنٹ، ڈی آئی جی پولیس شہلا قریشی نا چاروکی ٹی ڈسٹرکٹ پولیس کوئٹہ ٹی ورناتا بھرتی نا عمل ءِ شفاف وڑ اٹ میرٹ نا بنداو آ پورو کننگا۔ پولیس کمامدارآتا رداٹ بھرتی نا وخت آ کل اومیتدار آتے کن اسہ وڑ وارخواہی پک مروک قاعدہ و ضابطہ غاتیا عملدرآمد ءِ پک کننگا۔ بھرتی نا عمل اٹی جنرل کیڈر میل کوٹہ نا رداٹ 298، لیڈیز کوٹہ ٹی 44 وخت اس کہ اقلیتی کوٹہ نا رداٹ 7 ورناتا بھرتی ءِ عمل اٹ اتنگا۔ ہندا وڑ جم وڑاٹ 349 ورناتے ڈسٹرکٹ پولیس کوئٹہ نا بشخ جوڑ کننگا۔ کمامدارآتا رداٹ بھرتی نا عمل اٹ میرٹ، شفافیت و پک مروک وڑوڈول ءِ بنداوی اہمیت تننگا وخت اس کہ اومیتدار آتا اہلیت و ایلو پک کروک خواست آتے مون آ تخنگا۔ بھرتی نا عمل نا چاروکی ءِ بڑزکو پولیس کمامدارآتاکنڈ آن کننگا تانکہ ہچ ءُ ریسہ سے ٹی میرٹ و شفافیت آ سمجھوتہ مف۔ پولیس کمامدارآک پارینو کہ پوسکن بھرتی تا سوب آن ڈسٹرکٹ پولیس کوئٹہ نا ہیومن ریسورس اٹ ودکی مریک ہراڑان پولیس فورس ءِ پین منظم، فعال و سوگو کننگ اٹ کمک رسینگک۔ پوسکن بھرتی مروک ورناتا اوار مننگ آن کوئٹہ شار اٹ امن و ایمنی، ڈوہ تا توننگ، شاری تا جان و مال انا رکھ و پولیسنگ نا ایلو زمواری تا سرتننگ کن دوئی نفری ٹی ودکی مریک۔ او پاریر کہ بلوچستان پولیس اٹ بھرتی تا عمل اٹ میرٹ و شفافیت ءِ بنداوی اصول نا وڑ اٹ برجا تخنگ انگ ءِ تانکہ اہل، لائخ و حقدار ورناتے پولیس فورس اٹ خذمت سرتننگ ناوارخواہی فراوان کننگ مرے۔