پشتون کلچر ڈے امن، ایلمی، تین پہ تینی شرف و رواداری نا مونی دننگ نا کلہو ءِ‘وزیراعلیٰ

کوئٹہ، پشتون کلچر ڈے آ وزیراعلیٰ بلوچستان میر سرفراز بگٹی نا پشتون برادری ءِ مبارکبادی، وزیراعلیٰ بلوچستان پشتون کلچر ڈے انا وخت آ تینا کلہو اٹ پارے کہ پشتون دودوربیدہ بلوچستان نا تہذیبی شناخت نا اہم و زیبا ءُ بشخ اسے، او پارے کہ پشتون دودوربیدہ ٹی مہمانداری، رواداری، بہادری، ایلمی و انسان دوستی نا بڑزکو روایت آک نمان ءُ، او پارے کہ بلوچستان جتا جتا قوم، زبان و دودوربیدہ غاتا اسہ زیبا ءُ اواری اسے، ہندا وڑپہ وڑی صوبہ نا اصل زیبائی و قوت ءِ، پشتون برادری بلوچستان نا راجی، ادبی، سیاسی و زرگزرانی شونداری ٹی اہم کڑد ادا کرینے، او پارے کہ دودوربیدہ ئی میرات نا رکھ ءِ کننگ پوسکن آ چین ءِ تینا تاریخ، قدرو شناخت تون گنڈنگ نا وڑ اسے‘ کل دودوربیدہ، زبان و روایت آتا شرف و مونی دننگ ننا اسیجائی زمواری ءِ، او پارے کہ پشتون کلچر ڈے امن، ایلمی، تین پہ تینی شرف و رواداری نا مونی دننگ نا کلہو ءِ۔