ضلع سوراب اٹی ڈپٹی کمشنر صاحبزادہ نجیب اللہ نا کماشی ٹی ریلی
Get real time updates directly on you device, subscribe now.
سوراب، 79 می یومِ آزادی نا دود انا رد اٹ ڈپٹی کمشنر سوراب صاحبزادہ نجیب اللہ نا کماشی ٹی اسہ گچین ءُ ریلی اسے نا بست و بند کننگا۔ ریلی ٹی ایف سی بلوچستان 61 ونگ کمانڈر کرنل سید فخر رفیق طلحہ، ایس پی سوراب خورشید احمد بلوچ، ایڈیشنل ڈپٹی کمشنر سوراب سلمان علی بلیدی، اسسٹنٹ کمشنر سوراب شے اکبر علی، ڈی ایس پی سوراب بلاول احمد محمدحسنی تون اوار ضلعی انتظامیہ نا کل محکمہ غاتا سروک، صحافی و شاریک بھلو کچ اسے ٹی بشخ ہلکر۔ یومِ آزادی نا ریلی نا ڈپٹی کمشنر آفس سوراب آن بنا مس و شار انا جتا جتا کسر تیان گدریفسا دوارہ ڈپٹی کمشنر آفس آ سر مرسا ایسر مس۔ ریلی نا بشخ ہلوک آک قومی بیرک چست کرسا و پاکستان نا آجوئی، سلامتی و شونہالی کن تینا عزم انا درشانی ءِ کریر۔ ریلی نا وخت آ پاکستان زندہ باد و پاک فوج و سیکورٹی فورسز آتا حق اٹی نعرہ ہم خلنگا۔ ریلی ٹی الس نا بھلو کچ اسے ٹی اواری دا گڑاءِ پاش کرے کہ سوراب نا الس تینا وطن تون مہر کیک و قومی دے ءِ جوش و جوزہ اٹ اڈ تننگ کن ضلعی انتظامیہ نا اوار سلوک ءِ۔