سیوی ٹی یومِ آزادی نا دود، کمشنر اسداللہ فیض بیرک چست کرے

سیوی، یومِ آزادی پاکستان نا وخت آ سرکٹ ہاؤس سیوی ی اسہ شرفدار ءُ بیرک چست کننگ نا دود اسے نا بست و بند کننگا، ہراٹی قومی جوش و جوزہ اٹ وطنِ عزیز نا آجوئی نا جشن اڈ تننگا۔ دود انا خاص انگا مہمان کمشنر سیوی ڈویژن اسداللہ فیض بیرک چست کرے۔ دا وخت آ ڈی آئی جی پی سیوی رینج پرویز خان عمرانی، کمانڈنٹ سیوی اسکاؤٹس کرنل منیر احمد سلطان، ڈپٹی کمشنر سیوی میجر (ر) الیاس کبزئی، ایس ایس پی سیوی عبدالحمید، اسسٹنٹ کمشنر سبی منصور علی شاہ، اسسٹنٹ کمشنر بختیار آباد میر بہادر خان بنگلزئی، قبائلی راہشون میر حیربیار خان ڈومکی، میر روحیل خان ڈومکی، چیئرمین میونسپل کمیٹی سردار محمد خان خجک تون اوار کل ضلعی افسر، اقلیتی برادری و شاریک بھلو کچ اسے ٹی بشخ ہلکر۔ بیرک چست کننگ نا وخت آ قومی بیرک ءِ سلامی پیش کننگا، سائرن خلسا اسہ منٹ انا چُپی کننگا وخت اس کہ پولیس نا سنبرینگوک دستہ قومی بیرک ءِ سلامی تس۔