سوراب، آئی ای ڈی ترخنگ آن 18 دہشت گرد خلنگار، 3 شاری ہم زوال،آئی ایس پی آر
12 اگست نا سہب اتون دہشت گرد آک وی بی آئی ای ڈی جوڑ کریرہ کہ تیاری آن مست دھماکہ مس، ترجمان
Get real time updates directly on you device, subscribe now.
سوراب، بلوچستان نا ضلع سوراب اٹی دہشت گرد آتا کنڈ آن تیار کروک وہیکل بیسڈ آئی ای ڈی (VB-IED) ترخا، ہرانا سوب آن 8 دہشت گرد زوال و کیہیک ٹھپی مسر۔ دھماکہ و پین چنکا دھماکہ غاتا سوب آن خڑک آ ساڑی 3 شاری ہم زوال مسر۔ اوکان پد سیکورٹی فورس و بلوچستان پولیس نا اسیجائی کلیئرنس آپریشن اٹی پین 10 دہشت گرد آتے خلنگا۔ آئی ایس پی آر نا رداٹ 12 اگست نا سہب اتون دہشت گرد آتا کنڈ آن وی بی آئی ای ڈی تیار کننگ انگاکہ ہرا تیاری نا وخت آ ٹی ترخا۔ خلنگوک دہشت گرد آتا تعلقداری “فتنۃ الہندوستان” تون ئس، بھارتی پراکسی دہشت گرد آتا کوڑی کروک ایلو منچر اٹی ہم دھماکہ غاک مسر، ہراڑان 3 کودک ءُ شاری زوال مسر۔ واقعہ نا حوال رسینگ تون سیکورٹی فورس و بلوچستان پولیس جاگہ غا سر مسر و اسیجائی کلیئرنس آپریشن نا بناءِ کریر ہرانا مسخت دہشت گرد و اوفتا کمکار آتے پٹنگ ئس آپریشن نا وخت آ سیکورٹی فورس آک نرّوک دہشت گرد آتا کسر ءِ وخت آ پٹار و کارروائی کرسا پین 10 دہشت گرد آتے دوزخی کریر۔ سوراب نا واقعہ غاتے ٹی دا وخت اسکان فتنۃ الہندوستان نا 18 دہشت گرد خلنگانو، وخت اس کہ ہڑتوم آ کنڈآن بھاز سم کاری آن پاک فوج انا 2 بہادر ورنا ہم ٹھپی مسر۔ علاقہ ٹی بچوک دہشت گرد آتا چٹفنگ کن سینیٹائزیشن آپریشن برجا ءِ و عزمِ استحکام نا وژن نا رداٹ سیکورٹی فورس و کانود نافذ کروک ادارہ غاتا دہشت گردی نا برخلاف کارروائیک پورو ترندی تون برجا سلرہ۔(آن لائن)