ڈپٹی کمشنر جعفر آباد نا کماشی ٹی ڈسٹرکٹ ہیلتھ کمیٹی نا دیوان

جعفر آباد، ڈپٹی کمشنر جعفر آباد خالد خان نا کماشی ٹی محکمہ جانجوڑی تون تعلقدار ٓ ڈسٹرکٹ ہیلتھ کمیٹی نا دیوان اڈ ہلک، ہراٹی الس ءِ فراوان کروک طبی آسراتی، جتا جتا طبی بنجاتیٹی برجا شونداری ڈٹ، دوئی وسیلہ و پیش بروک ویل آتا جم جاچ ءِ ہلنگا۔ دیوان نا وخت آ محکمہ جانجوڑی نا افسر آک ڈپٹی کمشنر خالد خان ءِ مچ آ ضلع نا طبی بنجاتیٹی جانجوڑی نا آسراتی، برجا ڈٹ و ایلو باندات آتیا جم حوال تسر۔ دا وخت آ ڈپٹی کمشنر خالد خان پارے کہ الس ءِ آب اٹو و وخت آ طبی آسراتی تا فراوانی ضلعی انتظامیہ نا اولیکو اولیت آتیٹی اوار ءِ‘ سرکاری ہسپتال و جانجوڑی بنجا تیٹی درمان، دارو، ڈاکٹر و ایلو المی باندات آتے جوانی نا کنڈ آ دننگک، وخت اس کہ برجا شونداری ڈٹ آتے پک کروک آب انا رد اٹ وخت آ پورو کننگ کن بھرمی گام گیج کننگک۔ او تعلقدار افسر آتے پارت کرے کہ الس ءِ جانجوڑی نا آسراتی تا فراوانی ٹی ہچ ءُ ہم وڑ انا بے پرواہی یا ڈیوالئی سگنگ مفک و مون تروک ویل آتا ایسری کن گچین سُج پام تینائی کننگے۔