ورنا گوازی گر تے زیات وارخواہی تننگ کن گام گیج کننگ اُن، مینا مجید بلوچ

کوئٹہ، سلاہکار گوازی و ورناباندات مینا مجید بلوچ و سیکرٹری اسپورٹس درا بلوچ اسک پارینو کہ صوبائی حکومت و محکمہ گوازی ورنا تے گوازی تا زیات آن زیات وارخواہی تا فراوانی کن گام گیج کننگ اٹی ءِ۔ محکمہ گوازی جشنِ آزادی نا رد اٹ مچ آ صوبہ ٹی گو اڈ تننگ اٹی ءِ ہرافتے ٹی پوسکن ءُ ٹیلنٹ مونی بننگ اٹی ءِ۔ دا ہیت ءِ او چارشنبے نا دے محکمہ گوازی نا کنڈآن کوئٹہ ٹی گرلز میراتھن ریس اٹی پوزیشن دوئی کروک آتیٹی انعام بشخ و پانٹ کننگ نا وخت آ تران کرسا کریر۔ داوخت آ ڈی جی اسپورٹس ڈاکٹر یاسر بازی ہم ساڑی ئس۔ میراتھن ریس اٹی سد آ مسڑ طالب علمک بشخ ہلکر۔مینا مجید بلوچ پارے کہ ورنا تا بشخ ہلنگ ملک پاکستان تون بے کچ مہر انا روشا درور اسے و میراتھن ریس انا بنا شہداء زیارت چوک آن کننگ نا مسخت پولیس نا بہادر انگا شہید آتے خراجِ عقیدت پیش کننگ و دہشت گردی نا مخالفت ءِ۔ سیکرٹری درا بلوچ پارے کہ محکمہ گوازی ورناتے مثبت و جانجوڑ سرجز آتا فراوانی کن مچ آ صوبہ ٹی جتا جتا گوازی تا گو اڈ تننگ اٹی ءِ و جشنِ آزادی نا رد اٹ کوئٹہ تون اوار مچ بلوچستان اٹ گوازی تا گوک مننگ اٹی ءُ‘ او پارے کہ بلوچستان نا گوازی گرتیٹی ٹیلنٹ نا کمتی اف و وزیراعلیٰ میر سرفراز بگٹی و مینا مجید بلوچ نا خصوصی پارت آ وس انا کچ آ آسراتی پک کننگ انگ ءِ۔