امریکہ و ایران امن معاہدہ یا ڈیل انا خڑک آ سر مسنو،وزیردفاع خواجہ آصف

وزیر دفاع خواجہ آصف پارینے کہ امریکہ و ایران امن معاہدہ نا خڑک آ سر مسنو۔ وزیر دفاع خواجہ آصف امریکی حوالکاری ادارہ بلومبرگ ءِ تروک انٹرویو ٹی پارے کہ امریکہ و ایران نا نیام اٹی معاہدہ یا مفاہمت نا گمان ودانے۔ خواجہ آصف پارے کہ تدوک آ اِرا مسہ دے انا نیام اٹ خننوک وڑتیان لگک کہ ہڑتوم آ ملک آک امن معاہدہ یا ڈیل اسے نا خڑک آسر مسنو۔ او پارے کہ حالیت آک اسہ وار ولدا امن معاہدہ نا کنڈآ جوان ہننگ آ خننگ انگ ءُ۔ ایلو کنڈ آ قطری وزارتِ خارجہ نا رِد اٹ ایران و عمان نا نیام اٹی مذاکرات اہم ءُ ہند اسے آ سر مسنے۔ ترجمان قطری وزارتِ خارجہ ماجد الانصاری نا رِد اٹ مذاکرات اسہ اہم ءُ ہند اسے آ سر مسنے۔ قطر ڈیہہ اٹی چک وتاڑ ءِ کم کننگ نا کل کوشست آتا مخ تفی ءِ کیک۔ خیرخواہ نا وڑ اٹ آبناءِ ہرمز ءِ زُوت آن زُو دوارہ ملنگ خوانہ۔