آئی آئی جی پولیس بلوچستان نا پولیس ٹریننگ کالج و تھانہ غاتا دورہ
Get real time updates directly on you device, subscribe now.
کوئٹہ، انسپکٹر جنرل آف پولیس بلوچستان محمد طاہر تدوک آ دے پولیس ٹریننگ کالج، تھانہ نیو سریاب، تھانہ محمود الرحمن سریاب، قاسم لائن و اے ٹی ایف کمپلیکس دے ٹکی بائی پاس نا دورہ ءِ کرے، دا وخت آ او سیکورٹی تون اوار ایلو بست وبند آتا جاچ ءِ ہلک۔ پولیس ٹریننگ کالج نا دورہ نا وخت آ آئی جی پولیس بلوچستان محمد طاہر ءِ کمانڈنٹ پولیس ٹریننگ کالج ڈاکٹر فرحان زاہد چندی باندات‘ سیکورٹی بست وبند و ہیلکاری سرجز آتا بابت جم حوال تس۔ او پولیس ٹریننگ کالج اٹی سیکورٹی تون اوار ایلو بست وبند آتے پین جوان کننگ و المی گام گیج آتے پک کننگ آ زور شاغا۔ آئی جی پولیس بلوچستان پارے کہ پولیس کارندہ غاتا جوان ہیلکاری و کسبی لائخی تیٹی ودکی امن کن اہم کڑد ادا کیک۔