ڈپٹی کمشنر حب انا کماشی ٹی ڈسٹرکٹ کوآرڈینیشن کمیٹی نا دیوان
Get real time updates directly on you device, subscribe now.
حب، ڈپٹی کمشنر حب جمعہ داد خان مندوخیل نا کماشی ٹی ڈسٹرکٹ کوآرڈینیشن کمیٹی نا دیوان اڈ ہلک، ہراٹی 14 اگست یومِ آزادی پاکستان نا رد اٹ ضلع حب اٹی مروک آ دود، سیکورٹی، سفائی، ٹریفک مینجمنٹ، تعلیمی ادارہ غاتیٹی قومی سرجز و شار انا زیبائی و بیرفنگ تون اوار جتا جتا باندات آتا جم جاچ ءِ ہلنگا۔ دیوان اٹی تعلقدار ضلعی افسر، میونسپل کارپوریشن، محکمہ تعلیم، پولیس و ایلو تعلقدار ادارہ غاتا نمائندہ غاک بشخ ہلکر۔ دیوان آن تران کرسا ڈپٹی کمشنر حب جمعہ داد خان مندوخیل پارے کہ یومِ آزادی پاکستان مچ آ قوم اکن تجدیدِ عہد انا دے ءِ۔ ہندا سوب آن ضلع حب اٹی 14 اگست نا دود آتے قومی وقار، نظم و ضبط و پورو ملی جوزہ اٹ اڈ تننگک۔ او کل تعلقدار محکمہ غاتے پارت کرے کہ جشنِ آزادی نا رد اٹ تینا زمواری تے وخت آ پورو کیر و الس ءِ اسہ پرامن، رکھوک و گچین چاگڑد اسے نا فراوانی کن تین پہ تینی رابطہ کاری ءِ بھرمی جوڑ کننگے۔