پنجگور اٹی کاروائی، فتنہ الہندوستان نا ٹیک خلنگا، آئی ایس پی آر

اسلام آباد، سیکورٹی فورس آک صوبہ بلوچستان نا پنجگور نا علاقہ سرکینی، چھیدگی ٹی فتنہ الہندوستان نا دہشت گرد آتا برخلاف انٹیلی جنس بیسڈ آپریشن اٹی فتنہ الہندوستان نا اہم انگا ٹیک وزیر ولد جمال تون اوار 5 دہشت گرد آتے خلکر۔ سیکورٹی حوالی نا رداٹ سیکورٹی فورس آتا آپریشن رد الفتنہ 3 نا رداٹ بلوچستان اٹی دہشت گرد آتا برخلاف گچین و سرسہب کارروائی برجاءِ۔ سیکورٹی فورس آک فتنہ الہندوستان نا دہشت گرد آتا برخلاف پنجگور نا علاقہ سرکینی، چھیدگی ٹی انٹیلی جنس بیسڈ آپریشن کریر، سرسہب کارروائی نا وخت آ فتنہ الہندوستان نا اہم ٹیک وزیر ولد جمال تون اوار 5 دہشت گرد دوزخی مسر۔ آپریشن نا وخت آ دہشت گرد آتیان 4 موٹر سائیکل، مشین گن و بھلو کچ اسے اٹی سلہہ و منچر دوئی مس۔ سیکورٹی فورس آک پنجگور نا علاقہ سرکینی، چھیدگی ٹی دہشت گرد آتا ساڑی گری نا اودیم حوال آتیا انٹیلی جنس بیسڈ آپریشن کریر۔ خلنگوک دہشت گرد آک پنجگور اٹی ہندی پوریاگر و ایلو شاری تے لُٹ و پل، بھتہ خوری، برمتہ و دہشت گردی نا ایلو کاروائی تا زموار ئسر۔ علاقہ ٹی فتنہ الہندوستان نا گمانی ایلو دہشت گرد آتا پورو چٹفنگ کن کلیئرنس آپریشن برجاءِ۔ سیکورٹی حوالی پارینے کہ سیکورٹی فور س آک بلوچستان آن فتنہ الہندوستان نا دہشت گرد آتا ناچوڑ نا پورو چٹفنگ کن سنبرینگوک ءُ۔