جشنِ آزادی 14 اگست نا دود آتا رد اٹ ضلع ہرنائی ٹی شاندار فٹبال ٹورنامنٹ نا بنا
Get real time updates directly on you device, subscribe now.
ہرنائی، جشنِ آزادی 14 اگست نا رد اٹ برجا دود آتا رِد اٹ ضلع ہرنائی ٹی اسہ شرفدار و شانی ءُ فٹبال ٹورنامنٹ اسے نا بست و بند کننگا۔ بنائی دود انا وخت آ ڈپٹی کمشنر ہرنائی ارشد حسین جمالی اسسٹنٹ کمشنر خوست اسرار احمد شاہوانی تون اوار خاص انگا مہمان نا وڑ اٹ بشخ ہلکر و ٹورنامنٹ نا باقاعدہ اسیجائی بناءِ کرے۔ بنائی دود آن تران کرسا ضلعی انتظامیہ نا افسر آک پاریر کہ 14 اگست نا دے ننا ملی یکجہتی، عہد و قومی جوش و جوزہ نا ڈیک ءِ۔ دا دے انا رد اٹ ورنا چین اکن ہندن ءُ دراخ جوڑ و مثبت سرجز آتا بست و بند کننگ بھاز ستا کڑزک تانکہ ننا ورنا چین گوازی نا پڑ تے ٹی تینا لائخی تے پاش کننگ کے۔ او مستی پاریر کہ گوازی نظم و ضبط، تین پہ تینی ایلمداری و سگ و اوار سلنگ ہیل ایتک۔ ضلعی انتظامیہ ضلع نا ورنا تا کنڈ آن ہر وڑ انا آسراتی و گچین ءُ پلیٹ فارم اس فراوان کننگ کن مدام جہد کرینے تانکہ علاقہ ٹی گوازیک پین شون ہلیر۔