مکہ اسیجائی دفاعی معاہدہ امتِ مسلمہ نا سیوت نا پوسکن ءُ تاریخ اسے، صوبائی وزیر خزانہ و معدنیات میر شعیب نوشیروانی

کوئٹہ، صوبائی وزیر خزانہ و معدنیات حکومت بلوچستان میر شعیب نوشیروانی سعودی عرب، ترکیہ و پاکستان نا نیام اٹی مکہ مکرمہ ٹی پک مروک دفاعی معاہدہ ءِ ”امتِ مسلمہ نا سیوت نا پوسکن ءُ تاریخ اس” گوندا۔ تینا بیان اٹی او پارے کہ داسَے ہ فریقی دفاعی معاہدہ ڈیہہ اٹی امن، سوگوی و اسیجائی سلامتی نا ضمانتءِ‘ سعودی عرب و ترکیہ کون آ ایلم اسلامی ملک آتتون پاکستان نا دا سیوت دہشت گردی نا برخلاف جنگ و ڈیہہ انا سلامتی ءِ پین سوگو کیک۔میر شعیب نوشیروانی پارے کہ ”دا معاہدہ وزیراعظم پاکستان نا سرسہب سفارت کاری و پاک فوج انا کسبی لائخی تا پیدوار شاہدی ءِ۔داڑان نئے بیرہ پاکستان نا دفاعی واک اٹی ودکی مریک بلکن مسلم امہ ءِ اسہ پوسکن ءُ بنجا اس ہم رسینگک۔