کمشنر نصیر آباد نا کماشی ٹی محکمہ ریونیو نا ملازم آتا ترقی تا بابت دیوان
Get real time updates directly on you device, subscribe now.
کمشنر نصیر آباد ڈویژن صلاح الدین نورزئی نا کماشی ٹی محکمہ ریونیو نا ملازم آتا ترقی تون تعلقدار پروموشن کمیٹی نا دیوان اڈ ہلک، ہراٹی ایس اینڈ جی اے ڈی نا نمائندگی کرسا اسسٹنٹ کمشنر بہادر خان کھوسہ، سینئر اکاؤنٹس آفیسر نصیر آباد عجب خان مندوخیل، عبدالصمد کھوسہ و شیراللہ کھوسہ بشخ ہلک۔ دیوان اٹی سینئر پٹواری تے قانون گو نا عہدہ غا ترقی تننگ کن کل کانودی خواست و ضابطہ غاتا خوڑتی اٹ جاچ ءِ ہلنگا۔ دا وخت آ کمشنر نصیر آباد ڈویژن و کمیٹی نا چیئرمین کمشنر صلاح الدین نورزئی پارے کہ نصیر آباد ڈویژن نا مدام ہندا کوشست مسنے کہ بیرہ ہمو سینئر پٹواری تے ترقی تننگے ہرافک کانود نا رِد اٹ اونا حقدار ءُ، انتئے کہ داڑان نئے بیرہ ملازم آتیٹی تالان مروک نااومیتی چٹک بلکہ او پین زمواری اٹ السی خذمت و الس نا فائدہ کن تینا لائخی غاتے کاریم اٹ اتیرہ۔