حکومت کاروبار دوست چاگڑد جوڑنگ کن سنبرینگوک ءِ، جام کمال

بنجائی واپار وزیر جام کمال خان حکومت نا کنڈ آن کاروبار دوست چاگڑد جوڑ کننگ، ریگولیشنز آتے آسان کننگ، چنکا و نیامی کہول انا کاروبار آتے شون تننگ و ملکی مینوفیکچرنگ بیس ءِ ودفنگ نا عزم انا درشانی ءِ کرینے۔ دا خیال آتا درشانی ءِ واپار وزیر اسلام آباد چیمبر آف سمال ٹریڈرز اینڈ سمال انڈسٹریز نا ڈل اتون اوڑدہی نا وخت آ کرے۔ ڈل ایس ایم ایز، ٹیکسیشن، صنعتی بنداوی پنجر، بزنس کننگ اٹی آسراتی و برآمد آتا شون اتون تعلقدار ویل آتیا گپ وتران کرے۔ ڈل اسٹیٹ بینک آف پاکستان نا ایس ایم ایز نا سفت اٹ کروک پوسکن آ ترمیم نا ستاءِ کرے و اودے مثبت ءُ گام اس گوندا‘ ہراڑان زیات کاروبار مالی کمک و سرکاری بشخ انا آسراتی دوئی کننگ مریک۔ جام کمال خان پارے کہ حکومت بے المی ریگولیٹری اڑاند آتے کم کننگ و ڈیجیٹلائزیشن نا کمک اٹ کاروباری عمل ءِ پوسکنوڑ کننگ کن سبنرینگوک ءِ۔