وزیر داخلہ میر ضیاء لانگو شہید سیشن جج عبدالحکیم کاکڑ نا اُراغا ہنا

صوبائی وزیر داخلہ میر ضیاء اللہ لانگو شہید سیشن جج عبدالحکیم کاکڑ نا اُرا غا ہنسا اونا خاہوت تون اوڑدہی کرے و ہڑزخواہی و دعاپاتیہ کرے۔ داوخت آ ہیت وگپ کرسا وزیر داخلہ بلوچستان پارے کہ سخت انگا دا ساہت اٹ نن شہید نا خاہوت تون اوار سلوک اُن و شہید سیشن جج عبدالحکیم کاکڑ نا خذمت آتے مدام یات تخنگک۔ او پارے کہ دہشت گردی نا دا وڑ انا واقعہ غاک سگ آن پیشن ءُ و دا لغوری آ واقعہ نا زموار آتے امر کہ مرے کہ اوفتا ایسر اسکان سر کننگک۔ وخت اس کہ حکومت شہید آتا خاہوت آتے ہچ گہس تنیا الیپک و اوفتے ہر وڑ انا کمک و کاٹم خواجہی فراوان کننگک۔