چین و پاکستان نا تعلقداریک مدامگی ءُ، چینی وزیر خا رجہ
Get real time updates directly on you device, subscribe now.
چینی وزیرِ خارجہ وانگ ای کرغزستان اٹی شنگھائی کمکار تنظیم نا وزیر خارجہ دیوان نا وخت آ پاکستان نا نائب وزیراعظم و وزیر خارجہ اسحاق ڈار تون اوڑدہی کرے۔ یک شنبے نا دے چینی میڈیا نا رِد اٹ وانگ ای پارے کہ چین و پاکستان نا تعلقداریک مدام وخت انا خواست آتے پورو کرینو۔ فریق آک بایدے ہڑتوم آ ملک آتا سرکڑدہ غاتا نیام اٹ پک مروک اہم امنائی تیا بھرمی عملدرآمد کیر، جتا جتا کہول آ حال حوال و کل بشخ آتیٹی کمک ءِ پین شون ایتر و چین پاکستان ہم نصیب راج اس جوڑ کننگ نا کاریم ءِ پین ترند کیر۔ وانگ ای دا ہیت انا ستاءِ کرے کہ ایران و امریکہ نا نیام اٹی مفاہمتی یادداشت پک مننگ نا رد اٹ پاکستان اہم ءُ کڑد اس ادا کرے۔ او پارے کہ چین پاکستان نا خیرخواہی نا کوشست آتا پورو مخ تفی ءِ برجا تخک۔