ڈپٹی کمشنر کیچ انا پارت آ تحصیل دشت اٹی سڑک آتا جوڑجاڑ نا کاریم نا بنا
Get real time updates directly on you device, subscribe now.
ڈپٹی کمشنر کیچ یاسر اقبال دشتی نا خاص پارت آ محکمہ مواصلات و تعمیرات (سی اینڈ ڈبلیو) نا کنڈ آن تحصیل دشت انا جتا جتا علاقہ غاتیٹی سڑک آتا جوڑجاڑ و بحالی نا عمل پبی وڑ اٹ بنا کننگانے۔ ضلعی انتظامیہ نا رِد اٹ، الس ءِ گچین، رکھوک و آب اٹو سفری آسراتی تا فراوانی کن کل تعلقدار کمامدار آتے سخت پارت کننگانے کہ تفوئی و جوڑجاڑ نا باندات آتے ٹی شفافیت و بڑزکو آب ءِ امر کہ مرے اولیت تننگے۔ بنائی ریسہ ٹی سنگئی و نیلگ کور روڈ آ جوڑجاڑ کاریم نا باقاعدہ بناءِ کننگانے، ہراڑے محکمہ مواصلات و تعمیرات نا کارندہ غاک فیلڈ اٹی متحرک مرسا تینا زمواری تے سر تننگ اٹی ءُ۔ مستین اٹی کسر تا جوڑجاڑ نا عمل اٹی ہرے و سستی نا غاوک ملارہ ولے ڈپٹی کمشنر کیچ انا پیدوار و سخت پارت آتیان پد دا سرجز آتیٹی نمان ترندی اتنگانے۔