حکومت مذاکرات و ہیت و گپ آن ہچ نمن متنے، میر ضیاء لانگو
Get real time updates directly on you device, subscribe now.
صوبائی وزیر داخلہ بلوچستان میر ضیاء اللہ لانگو پارینے کہ حکومت ہچ مذاکرات و ہیت و گپ نا عمل آن نمن متنے، کل سیاسی و راجی ویل آتا مدامگی ایسر بیرہ جمہوری و پارلیمانی کسر اٹی ءِ‘ قومی فائدہ نا باندات آتیا سلاہ تے ملک دشمنی نا جاگہ غا جوان سیاسی عمل نا وڑ اٹ ہننگے۔ دا خیال آتا درشانی او سیاسی و قبائلی سرکڑدہ غاتا ڈل آتتون ہیت وگپ کرسا کرے۔ او پارے کہ پارلیمانی سیاست ہمو پلیٹ فارم ءِ ہراڑے جتا جتا سیاسی واک آک تینا خیال، گڑتی و خواست آتے آئینی دنگ اٹی مرسا پیش کننگ کیرہ۔ سیاسی اختلاف جمہوریت نا زیبائی ءِ و ہندانا کمک اٹ جوان پالیسی سازی و السی ویل آتا مدامگی ایسر کشنگ مریک۔