ایران، عراق نا کمک اٹ مونی اتوک جنگ بندی نا امریکی سلاہ ءِ منتو

امریکی اخبار دعویٰ کرینے کہ ایران عراق نا کمک اٹ پیش کیوک آ امریکی جنگ بندی نا سلاہ ءِ منتو۔ امریکی اخبار نیویارک ٹائمز نا رِد اٹ ایران عراقی وزیراعظم علی الزیدی نا کمک اٹ پیش کیوک آ سلاہ ءِ نمن کرے، عراقی وزیراعظم داسدری آ واشنگٹن نا دورہ غان پد تہران سر مسوسس ہراڑے او ایرانی کماشی تون اوڑدہی کرے۔ اخبار نا پاننگ اے کہ امریکہ نا کنڈ آن جنگ بندی نا سلہہ نا پورو تفصیلات داسکان مون آ بتنو، تانہم ایرانی کمامدار آتا پاننگ اے کہ عارضی جنگ بندی امنا مفرو انتئے کہ داٹی آبنائے ہرمز نا کنٹرول نا ویل ایسر کننگتنے۔ ایرانی وزیر خارجہ عباس عراقچی پارے کہ علی الزیدی واشنگٹن نا دورہ نا بابت تینا خیال و زہم آت?ون آگاہ کریسس ولے ایران و امریکہ نا نیام اٹی مست ہی بھاز ثالث ساڑی ءُ، ویل کلہو سر کننگ نا آخا بلکن غیر منطقی، لغوری و ایلوفتیا کنٹرول کروک آ امریکی رویہ نا اے۔