این-25 ڈوئلائزیشن میگا ڈٹ انا بابت پراجیکٹ فیسیلی ٹیشن کمیٹی نا دیوان
Get real time updates directly on you device, subscribe now.
این-25 ڈوئلائزیشن میگا ڈٹ انا بابت پراجیکٹ فیسیلی ٹیشن کمیٹی نا دیوان سیکرٹری مواصلات و تعمیرات بابر خان نا کماشی ٹی اڈ ہلک ہراٹی ڈٹ آ برجا پیش رفت، مون تروک ویل و اوفتا ایسری کن جتا جتا باندات آتا جم وڑ اٹ جاچ ءِ ہلنگا۔ دیوان اٹی ممبر نیشنل ہائی وے اتھارٹی بلوچستان بشارت حسین، فرنٹیئر ورکس آرگنائزیشن نا کرنل شاہد عباسی، جی ایم کراچی خضدار سیکشن کاشف شیخ، پراجیکٹ ڈائریکٹر این-25 کچلاک آن چمن ریاض احمد، ڈائریکٹر لیگل این ایچ اے عبدالمنان و چیئرمین انجینئر فیڈرل پروجیکٹس ڈاکٹر سجاد بلوچ ویڈیو لنک انا کمک اٹ بشخ ہلکر، داڑان بیدس تعلقدار محکمہ غاتا ایلو بڑزکو افسر آک ہم دیوان اٹی ساڑی ئسر۔ دیوان ءِ ڈٹ انا جم پیش رفت آ بریفنگ تننگا۔ بریفنگ نا وخت آ این-25 آ ساڑی شار و خلق آتے ٹی بائی پاس جوڑ کننگ‘ ڈٹ انا بابت جتا جتا ادارہ ئی وسیکورٹی کہول انا باندات‘ کرش پلانٹ آتا گدریفنگ و شاہراہ نا ایب کیب اٹی شجرکاری مہم تون اوار ایلو اہم ٹک آتیا جم سجفنگا۔