کاریم تا زُوت بنا کن ہڑدے نا کاٹم آ ڈی ایس سی اڈ تننگ انگ ءِ، بابر خان

سیکرٹری محکمہ مواصلات و تعمیرات بابر خان نا کماشی ٹی ڈیپارٹمنٹل سب کمیٹی نا اسہ اہم ءُ دیوان اس اڈ ہلک۔ دیوان اٹی ضلع خضدار، مستونگ، نوشکے و سبی نا محکمہ نا سلاہ ئی شونداری ڈٹ آتا جاچ ءِ ہلنگا۔ یات سلے کہ وزیراعلیٰ بلوچستان میر سرفراز بگٹی نا وژن‘ صوبائی وزیر میر سلیم احمد کھوسہ نا پارت و سیکرٹری بابر خان نا چاروکی ٹی ہڑدے نا کاٹم آ ڈی ایس سی نا دیوان اڈ تننگ انگ ءِ تانکہ صوبہ ٹی دا اسکیم آتا زُوت آن زُوت بناءِ کننگے۔ دیوان اٹی چیف انجینئر خلیل الرحمن اچکزئی، عزیزاللہ کاسی، زبیر احمد کھوسہ و ایلو تعلقدار ایگزیکٹو انجینئر آک بشخ ہلکر۔