عظمیٰ یعقوب وزیر اعظم یوتھ پروگرام بلوچستان نا فوکل پرسن پن
Get real time updates directly on you device, subscribe now.
بلوچستان آن تعلقدار صدارتی ایوارڈ یافتہ پنی آ راجی کارندہ و انسانی حق آتا علمبردار عظمیٰ یعقوب ءِ وزیراعظم یوتھ پروگرام کن فوکل پرسن پن کننگانے۔ او تینا پوسکن آ زمواری تا رِد اٹ زالکار، ٹرانس جینڈر کمیونٹی و ایلو پدتموک تپہ غاتے وزیراعظم یوتھ پروگرام نا جتا جتا ڈٹ و وارخواہی تیان فائدہ ہرفنگ کن خاص کڑد ادا کیک۔ دا رد اٹ ٹی اسلام آباد اٹی اڈ ہلوک اسہ دود اسے نا وخت آ وزیراعظم یوتھ پروگرام نا چیئرمین رانا مشہود احمد خان عظمیٰ یعقوب ءِ پندار کاغد پیش کرے و اونا راجی خذمت آتا بھلا آزموندہ نا ستاءِ کرسا دا اومیت نا درشانی ءِ کرے کہ او ورنا‘ خاص وڑاٹ زالکار و محروم تپہ غاتے قومی شونداری نا دنگ اٹی اوار کننگ نا حکومتی سُج پام نا پیشرفت اٹ بھرمی کڑد ادا کیک۔