کورونا وائرس نا توننگ کن مچ آقوم سیوت اٹ و اسیجا جنگ کننگ اٹی ءِ‘ محمدریاض
Get real time updates directly on you device, subscribe now.
کوئٹہ (آن لائن) بلوچستان عوامی پارٹی نا راہشون محمد ریاض، مہردل، نعیم خان، بابو رحیم، محمد رمضان، محمد سکندر اسک پارینو کہ کورونا وائرس نا توننگ کن مچ آقوم سیوت اٹ و اسیجا جنگ کننگ اٹی ءِ‘ صوبائی حکومت کورونا وائرس نا توننگ تون اوار غریب تپہ غاتا مشکل آتے ایسر کننگ کن پبی و جوان گام گیج کننگ اٹی ءِ‘ لاک ڈاﺅن آن زہمی بندغ آتے اوفتا اُراتے ٹی راشن فراوان کننگ انگ ءِ‘ بلوچستان نا حالیت ایلو صوبہ غاتیان جوان ءِ۔آسراتی اسیفنگ آ وزیراعلی بلوچستان جام کمال خان نا خذمت آتا ستاءِ کینہ‘ حکومت بلوچستان ناکنڈآن کورونا وائرس ناتوننگ کن جوان گام گیج کننگ انگ ءِ‘ صوبائی حکومت الس نا کمک اٹ حکمت عملی اٹ کاریم کننگ اٹی ءِ‘ دا وخت آ صوبائی وزیر‘ اسمبلی نا باسک آک تینا تینا حلقہ غاتے ٹی غریب الس کن برجا کمکی سرجزآتا چاروکی تون اوار شعور وآگہی کن کڑد ادا کننگ اٹی ءُ۔