وزیراعلیٰ بلوچستان نا پی ایس ایل 8 نا شاندار اڈتننگ آ مبارکبادی

کوئٹہ : وزیراعلیٰ بلوچستان میر عبدالقدوس بزنجو نا پی ایس ایل 8 نا شاندار اڈتننگ و ایسر آ کرکٹ نا شونقی، پی سی بی و ٹیم تے مبارکباد، وزیراعلیٰ بلوچستان پی ایس ایل نا یات گار فائنل میچ اٹی سرسہبی آ لاہور قلندر ءِ دلی مبارکبادی پیش کیوہ، اوپارے کہ پی ایس ایل نا خوشگوار چاگڑد اٹ اڈتننگ کلہو اسے کہ پاکستان اسہ پرامن ءُ ملک اسے، پاکستانی قوم گوازی تون مہرومریبت و دہشت گردی آن خار کیک، پی ایس ایل اٹی شریک درملکی گوازی گرآک پاکستان آن جوان ءُ یات و مہرومریبت مچ کرسا ہِننگ ءُ اوپارے کہ اومیت ءِ کہ درملکی گوازی گر آک پاکستان نا سفیر مرسا ننا ملک انا مثبت تاثر ءِ تالان کیرہ، بلوچستان نا الس ہم گوازی خاص وڑاٹ کرکٹ تون مہرومریبت کیرہ، کوئٹہ ٹی پی ایس ایل نا نمائشی میچ انا سرسہب اڈتننگ آن کرکٹ نا درگہ غاک ملنگانو۔ اومستی پارے کہ نن پی ایس ایل نا بروک آ سیزن اٹی کوئٹہ ٹی میچ انا اڈتننگ نا چاری اُن۔

(اے پی پی)