وزیراعلیٰ بلوچستان میر عبدالقدوس چیئرمین سینٹ محمد صادق سنجرانی و صوبائی وزیر تا نوشکے نا ایف سی ہیڈ کوارٹر نا دورہ
Get real time updates directly on you device, subscribe now.
وزیراعلیٰ بلوچستان میر عبدالقدوس چیئرمین سینٹ محمد صادق سنجرانی و صوبائی وزیر ک نوشکے نا ایف سی ہیڈ کوارٹر نا دورہءِ کریر۔
مہمان تے ایف سی نا چاق و چوبند دستہ غاک گارڈ آف آنر پیش کریر۔ مہمانک یاد گار شہدا غا ہم ہنار۔ و شہید آتا مغفرت کن دعا کریر۔
دا وخت آ کمانڈنٹ ایف سی ڈَل ءِ 2 فروری نا دہشت گردی نا واقعہ نا بابت بریفنگ تس۔
وزیراعلیٰ چیئرمین سینٹ و صوبائی وزیرک دہشت گرد آتا دلیری اٹ مون ءِ تورسا شہید مروک آ سیکورٹی کارندہ غاتے خراج عقیدت پیش کریر۔
وزیراعلیٰ و چیئرمین سینیٹ وطن نا رکھ اکن ایف سی بلوچستان نا قربانی و کوشست آتا ہم ستا ءِ کریر۔
دا وخت آ وزیر اعلیٰ و چیئرمین سینیٹ پاریر کہ نن تینا سیکورٹی فورس آتتون سلوک اُن، ننا بہادر انگا سیکورٹی فورس آتا ساڑی گری ٹی دشمن ننے نسخان رسیفنگ کپک۔
دا وخت آ کمانڈنٹ ایف سی بریفنگ تس پارے کہ دشمنک پوسکن انگا سلہہ غاتیان شُپ ئسر۔اللہ نا فضل و کرم و الس نا دعا تا برکت اٹ نن دہشت گرد آتے اوفتا کروک نا سزا تسن۔دہشت گرد آک براہ راست اوغانستان اتی تینا ہینڈلر آتتون حالی حوالی کریرہ۔واقعہ ٹی اسہ افسر اسے تون اوار چار سیکورٹی کارندہ شہید مسر، وخت اس کہ نہہ دہشت گرد خلنگار۔وزیراعلیٰ، چیئرمین سینٹ و صوبائی وزیرک ایف سی ءِ سرسہب کارروائی آ مبارکبادی تسر۔