چین کرنسی آرایم بی بھاز زوت جہانی دروشم دوئی کیک،اسحاق ڈار
Get real time updates directly on you device, subscribe now.
اسلام آباد: بنجائی وزیرخزانہ اسحاق ڈار پارینے کہ چین نا ون بیلٹ ون روڈ انیشی ایٹیو و سی پیک چین نا صدر شی جن پنگ نا عظیم گام و ڈیہہ انا زرگزرانی آخبت ءِ۔ بروک آ سال تیٹی دا ڈٹ آتا بھرم لس بندغ اسکان سرمریک۔ وزیرخزانہ پارے کہ پاکستان و چین سنگت ملک آک ءُ، نن شونہالی، سنگتی و دودوربیدگ اٹ اسہ ایلو نا خڑک ءُ۔ وزیرخزانہ پاریکہ چین کرنسی آرایم بی بھاز زوت جہانی دروشم دوئی کیک۔ داوخت آ 5 ملک آتیٹی دا کرنسی قابل استعمال ءِ، بینک آف چائنا و اسہ درزن نا خڑک بینک دا گام اٹی اوار مننگ کن تیار ءُ۔ اوپاکستان اٹ بینک آف چائنا نا ارٹ میکو و بنجائی دارالحکومت اسلام آباد اٹ اولیکو برانچ نا جوڑ کننگ کن نیک است خواہی نا درشانی ءِ کرے و پارے کہ بینک گچین کارکڑد نا درشانی ءِ کرینے۔ نن وزیراعظم، کابینہ و وزارت خزانہ نا کنڈآن بینک آف چائنا نا گورنر و مچ آ ٹیم ءِمبارکبادی ایتنہ۔
(اے پی پی)