کوئٹہ، سائنس کالج نا مون آ دھماکہ، 3 بندغ زوال، کیہیک ٹھپی

کوئٹہ ٹی سائنس کالج نا مون آ دھماکہ اس مسنے، ہراٹی بنائی حوال آتا رد اٹ مسہ بندغ زوال مسنو، وخت اس کہ کیہی بندغ آتا ٹھپی مننگ نا حوال ءِ۔ دھماکہ ٹی ٹھپی مروک آتیان بھاز آتا حالیت نازرک پاننگک۔ یات سلے کہ سائنس کالج اٹ جمعیت علمائے اسلام نظریاتی نا اسہ کانفرنس اس مسکہ۔ پاننگک کہ کانفرنس نا چٹنگ نا وخت آ دھماکہ مس۔

ایلو کنڈ آ وزیر اعلیٰ بلوچستان میر عبدالقدوس بزنجو، گورنر بلوچستان سید ظہور احمد آغا، داخلہ سلاہکار میر ضیاء لانگو، چیئرمین سینیٹ صادق سنجرانی اسک دھماکہ نا مذمت ءِ کرسا پارینو کہ ملک دشمن آک حالیت آتے خراب کننگ خوارہ، ولے اوفتے سرسہبی نصیب مفک۔