اپوزیشن ’ابو بچاو مہم‘اٹی اختہ ءِ، ن لیگی راہشون ردینک آتے مننگ نا جاگہ غا ادارہ غاتے جھیڑہ ئی کننگ ءِ، بنجائی کابینہ 

اسلام آباد(آن لائن) بنجائی کابینہ پارینے کہ اپوزیشن باوہ بچفنگ مہم اٹ اختہ ءِ، ن لیگی راہشون ردی مننگ نا جاگہ غا ادارہ غاتے جھیڑہ ئی کننگ اٹی ءُ، ن لیگ نا کریمنل بندغ آتے کرمنل نا وڑ اٹ ڈیل کننگے۔ وخت اس کہ بنجائی کابینہ ٹی سی پی نا کمک اٹ بیرہ اسہ وار خولم درآمد کننگ و ارسا ٹی ٹیلی میٹری سسٹم نا پرغنگ آ انکوائری بنا کننگ نا موکل ہم تسنے۔ اسلام آباد وائلڈ لائف مینجمنٹ بورڈ نا نان آفیشل باسک آتے تعیناتی، ایف آئی اے شیڈول آف افینسز اٹ پُوسکن ءُ کانود نا درج کننگ نا منظوری تسنے۔ سیکریٹری کابینہ احمد نواز سکھیرا ءِ اسلام آباد کلب نا پُوسکن آ ایڈمنسٹریٹر گچین کننگ و برطانوی ائیرلائن ورجن اٹلانٹک ءِ پاکستان و برطانیہ نا نیام اٹ جہاز آتا جاری نا منظوری تننگانے۔ وزیرِ اعظم عمران خان نا کماشی ٹی تدوک آ دے بنجائی کابینہ دیوان اٹ پاننگا کہ اینو آن مچ آ ملک اٹ تعلیمی ادارہ غاتیٹی تعلیمی سرگرمیک بحال مریرہ و مسہ کروڑ چُناتا اسکول آتیٹی تعلیم نا چر بحال مریک۔