تینا ہیت آ سلوک اُٹ،  مسکوہی ڈی جی ایف آئی اے بشیر میمن

تینا اسہ بیان اسے ٹی بشیر میمن پارے کہ تینا ہیت آ سلوک اُٹ۔ اگہ کس ءِ لگک کہ ہچ اس متنے تو تاب پیچ کننگ نا گرج اف۔

او پارے کہ فروغ نسیم شریف ءُ کانود نا چاہندار اسے۔ اوڑکن جوڈیشل انکوائری کرفنگ آسان ءِ۔

یات سلے کہ تدوک آ دے وزیراعظم عمران خان مسکوہی ڈی جی ایف آئی اے بشیر میمن نا دوبہ غاتا تردید ءِ کرے، ہراٹی بشیر میمن دعویٰ کریسس کہ جسٹس قاضی فائز عیسیٰ نا برخلاف انکوائری کن شہزاد اکبر و فروغ نسیم پاریسر، وخت اس کہ وزیراعظم ہم اوڑا مَنٹ اسے دزگیر کننگ کن زور شاغاسس۔ 

وزیراعظم سینئر صحافی و اینکر پرسن آتتون ہیت و گپ اٹی پارے کہ بشیر میمن ءِ بیرہ خواجہ آصف نا اقامہ نا جاست پاست نا پاریسٹ۔