نیب بلوچستان:  لوکل گورنمنٹ ضلع شیرانی نا افسر و کارندہ غاتا برخلاف ریفرنس  

کوئٹہ (آن لائن) قومی احتساب بیورو بلوچستان کرپشن نا اسہ کیس اس سر ترسا لوکل گورنمنٹ ضلع شیرانی نا افسر و شیفکو کارندہ غاتا برخلاف ریفرنس احتساب عدالت کوئٹہ ٹی داخل کرینے۔ حوال نا رد اٹ سرکاری ڈٹ آتے ٹی کرپشن نا اسہ کیس اسے نا جاست پاست ناوخت آ دا ہیت مون آ بس کہ مسکوہی اسسٹنٹ ڈائریکٹر سیف اللہ قیصرانی‘ اسسٹنٹ انجینئرخواجہ خان و سینئر کلرک اشرف خان لوکل گورنمنٹ ضلع شیرانی اسک ٹھیکیدار آتیان سرکاری ٹھیکہ غاتے ٹی رشوت ہلسا پیسہ غاتے بینکنگ چینل کاریم اٹ اتسا دوئی کریر۔ دوبہ دار آتیان ہراتم نیب انا جاست پاستی ٹیم دا پیسہ غاتا بابت ارفے تو دوبہ دار آک موقف تینائی کریر کہ سینئر کلرک لوکل گورنمنٹ ضلع شیرانی اشرف خان نا جندی اکاﺅنٹ اٹ ٹرانسفر مروک پیسہ غاک شوندری ڈٹ آتا ئسر وخت اس کہ سرکاری ڈٹ آتا پیسہ غاک پیسہ سرکاری اکاﺅنٹ اٹ جمع مننگ کیرہ‘ اوکان گڈ ڈٹ آتا جاچ ءِ ہلنگ نا وخت آ دا ہیت پین پیدوار مس کہ غٹ ڈٹ آک جون آن مست پورو مسوسر وشکبر پیسہ غاک دا ڈٹ آتا پورو مننگ آن پد گدریفنگار۔ دوبہ دار آتا برخلاف (مون انگا پیسہ غاتے پیہن) کننگ ناکوشست آتا بابت پک کروک شاہدی تا مون آ بننگ آن پد نیب این اے او و اینٹی منی لانڈرنگ ایکٹ انا رد اٹ ریفرنس احتساب عدالت کوئٹہ ٹی دائر کرینے۔