ادارہ غاتیا ہور ہرفوک آک جمہوری مننگ کپسہ

0

Get real time updates directly on you device, subscribe now.

وزیراعظم عمران خان تون سلاہکار پارلیمانی امور بابر اعوان دوشنبے نادے آ داڑے اوڑدہی کرے ہراٹی آئینی، کانودی و سیاسی باندات آ گپ وتران کننگا۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم جمہوریت نا سوگوی کن ادارہ غاتا سوگو مننگ ءِ اہم گوندسا پارے کہ ادارہ غاتیا تینا سیاست ءِ مونی دننگ کن ہورہرفوک آک اسہ وڑاسے ٹی ہم جمہوریت نا علمبردار مننگ کپسہ۔ ریاست نا غٹ تمبہ غاک تینا دنگ اٹ سلسا ملکی شونداری کن کاریم کننگ ءُ۔ بابر اعوان زرگزرانی سوگوی و کورونا غان بچفنگ نا حکومتی پالیسی تے حکومت نا اہم سرسہبی گوندسا پارے کہ داسہ پاکستان اٹی اوفتا ہچ ءُ آخبت اس اف۔داکان بیدس وزیر اعظم عمران خان نا کماشی ٹی سی پیک نا رد اٹ ایم ایل ون ڈٹ ڈَول نا جاچ دیوان مس، دیوان اٹی وزیر اعظم ءِ ایم ایل ون ڈٹ انا بابت و ساڑی پیشرفت آتیا سرجم بریفنگ تننگا۔ وزیر اعظم ڈٹ آ داتم اسکان نا پیشرفت آ است جمی نا درشانی ءِ کرے۔ دا وخت آ وزیرِ اعظم پارے کہ دا ڈٹ آتیان پاکستانی بندرگاہ تا ڈغاری رابطہ سوگو مریک و داڑان پاکستان نا برآمد آتا وخت آ جہانی منڈی تسکان رسینگ پک مننگ کیک، ہراڑان نہادی زرمبادلہ دوئی مریک۔ وزیر اعظم پارے کہ سی پیک ڈٹ آتیان ایم ایل ون غٹ آن بھلو خڑچ اسے نا ڈٹ اسے، ہراڑان پاک چین تعلقداری ٹی اسہ پوسکن ءُ گیری سے نا ودکی مریک۔ پاکستان اٹی جہانی آب انا کمیونیکیشن انفراسٹرکچر اس جوڑ کننگک، ایم ایل ون ڈٹ ملکی صنعت نا شونداری و روزگار نا وارخواہی تا ودی کننگ نا سوب مریک، بنجائی ریلوائی وزیرِ وزیرِ اعظم ءِ پاکستان ریلوائی نا کنڈ آن ایم ایل ون ڈٹ انا انٹیگریشن پلان نا بابت معلومدار کرے۔

Get real time updates directly on you device, subscribe now.

Leave A Reply

Your email address will not be published.