مستین وڈی خوری و غلط فیصلہ غاک ملکی زرگزران ءِ نسخان تسر، صدر عارف علوی 

0

Get real time updates directly on you device, subscribe now.

اسلام آباد (اے پی پی) صدر مملکت ڈاکٹر عارف علوی پارینے کہ مستین وڈی خوری و غلط فیصلہ غاک ملکی زرگزران ءِ نسخان تسر، ساڑی دور حکومت اٹ غٹ فیصلہ غاک تعلقدار کڑدہ غاتا سلابت اٹ کننگرہ۔ حکومت نا کاریم غٹ ءِ بریبر وارخواہی فراوان کننگ مریک۔ حکومت ہزگار آتیان خراج ہلیک و نیزگارآتیا خڑچ کیک۔ ننے تینا مصنوعات آتا برانڈنگ و ویلیو ایڈیشن آ چکار کننگ نا گرج ءِ۔ ننے دنیا ٹی تینا پوریاگر آتیکن پت سازی ءِ مون آ دروئی مریک، واپار نا بنداو آ کشمیر و فلسطین اٹ مروک آ بیدادی تے گوجالنگک۔ او دوشنبے نادے آ ایوان صنعت و واپار فیصل آباد نا سالانہ دود آن تران کریکہ۔ صدر مملکت پارے کہ زرگزرانی شونداری ٹی ایوان صنعت و واپار فیصل آباد نا اہم ءُُ کڑد اسے، دا فعال ءُُ ادارہ اسے و دانا باسک آک مثبت سوچ اتون حکومت نا راہشونی ءِ کیرہ۔ اوپارے کہ نن تینے عقل کل سرپند کینہ ولے دین اسلام اٹ سلابت نا تلقین کننگانے۔ 

Get real time updates directly on you device, subscribe now.

Leave A Reply

Your email address will not be published.