3 ستمبر نا ہڑتال آن پد اسلام آباد آ لانگ مارچ نا فیصلہ کینہ، حافظ نعیم
Get real time updates directly on you device, subscribe now.
لاہور، امیر جماعت اسلامی حافظ نعیم الرحمن حکومت ءِ خبڑدار کرسا پارینے کہ السی برانز داسہ بیرہ دھرنا تسکان کچ اٹ مفک بلکہ 3 ستمبر آ مچ آ ملک اٹی تاریخی ہڑتال مریک و اوکان پد اسلام آباد آ لانگ مارچ نا کال ہم تننگک۔ حکومت ءِ ہر وڑ اٹ الس ءِ دمدستی ریلیف فراوان کروئی تمک و پیٹرولیم لیوی تون اوار الس آ خلوک کانود آن چَپ و ناحق خراج آتے چٹفوئی تمک‘ اینو دا تحریک ہچ ءُ وڑ اسے ٹی سلپک۔ لاہور اٹی وزیراعلیٰ ہاؤس نا پیشن آ جماعت اسلامی نا دھرنا نا 13میکو دے پریس کانفرنس آن تران کرسا حافظ نعیم الرحمن پارے کہ مچ آ قوم خواری و مشکل آتا گواچی ءِ‘ حکمران ٹولہ و بیوروکریسی السی ویل آتا ایسری آ چکار کننگ کن پورو وڑ اٹ بیوس خننگ انگ ءِ۔ لاہور، پشاور و کراچی ٹی پدریسہ دھرناک برجا ءُ، وخت اس کہ پنجاب نا سد آ ہند آتیا برانزی کیمپ خلنگ انگ ءِ۔